Þingeyjarskóli

Skólaslit Þingeyjarskóla

Thu, 28 May 2026 09:34:00 +0000

Skólaslit Þingeyjarskóla verða 1. júní kl. 16:30 í Ýdölum. Allir velkomnir.

Yngsta stig fræðist um humlur

Tue, 19 May 2026 16:08:00 +0000

Undanfarnar vikur hafa nemendur á yngsta stigi fræðst um humlur og lifnaðarhætti þeirra. Bókin “Milli himins og jarðar - humlur” var aðal lesefnið og unnu nemendur margvísleg verkefni í tengslum við efnið. Auk þeirra sýnishorn sem eru hér í fréttinni unnu nemendur myndbandsverkefni sem kallast “Lífsferill humlur - frá eggi að flugu” og kom virkilega skemmtilega út. Það hefur verið gaman að fylgjast með nemendum í þessari vinnu og sjá hversu áhugasamir og fróðleiksfúsir þeir hafa verið. Verkefnin eru til sýnis á ganginum fyrir framan stofur yngsta stigs og hvetjum við ykkur til að stoppa við og fræðast um humlur ef þið eigið leið um skólann. (Smellið á fyrirsögnina til að sjá myndir af verkefnum nemenda)

Unglingastig kynnir jarðfræði fyrir gestum og gangandi

Thu, 30 Apr 2026 10:35:00 +0000

Síðastliðnar vikur hafa nemendur á unglingastigi lagt hart að sér í metnaðarfullu samþættingarverkefni samfélags- og náttúrugreina. Markmiðið var að útskýra flókin jarðfræðileg fyrirbæri á þann hátt að fólk á öllum aldri gæti bæði fræðst og haft gaman. Til þess að gera verkefnið enn áhugaverðara þá var lagt upp með að nota einungis endurnýttan efnivið og afganga.

Marimbaferð unglingastigs Þingeyjarskóla

Thu, 30 Apr 2026 09:31:00 +0000

Unglingadeild Þingeyjarskóla er nú stödd í marimbaferð í Svíþjóð og hefur ferðin farið vel af stað.

Minningarorð

Thu, 30 Apr 2026 09:05:00 +0000

Minningarorð um Halldóru Jónsdóttur kennara

Opið hús hjá framhaldsskólum í nágrenni Þingeyjarskóla

Mon, 20 Apr 2026 10:42:00 +0000

Nú styttist óðum í að innritun nýnema í framhaldsskóla hefjist, en opnað verður fyrir umsóknir á föstudaginn 24. Apríl og stendur það yfir til 10. júní. Það er því tilvalið að nýta næstu daga til að skoða þá valmöguleika sem í boði eru. Í meðfylgjandi skjali er að finna upplýsingar um opin hús hjá skólunum í nágrenni okkar. Foreldrar nemenda í 10. bekk eru hvattir til að kynna sér námið, skoða aðstöðuna og finna fyrir andrúmsloftinu á hverjum stað:

Breyting á tímasetningu Vorgleði Þingeyjarskóla

Wed, 25 Mar 2026 16:37:00 +0000

Vakin er athygli á því að Vorgleði Þingeyjarskóla hefst kl. 15:00 fimmtudaginn 26.03.2026. Í ljósi veðurútlits hefur verið ákveðið að flýta Vorgleði Þingeyjarskóla til kl. 15:00 í stað kl. 17:00. Er þetta gert með hliðsjón af því að nemendur séu þá allir í skólanum og ekki verið að ferðast með yngri nemendur á milli kl. 15 og 17.

Þingeyjarskóli með góðan árangur í Lífshlaupinu.

Wed, 25 Mar 2026 08:51:00 +0000

Við fengum góðan gest í vikunni,hann Ísak Aðalsteinsson sem afhenti skólanum verðlaun fyrir góðan árangur í Lífshlaupinu 2026.

Vorgleði Þingeyjarskóla

Fri, 20 Mar 2026 16:15:00 +0000

Vorgleði Þingeyjarskóla..........

Læsismánuður

Thu, 05 Mar 2026 16:18:00 +0000

Í febrúar fórum við í átak í lestri og kölluðum læsismánuðinn. Nemendur og starfsfólk lagði sérstaka áherslu á lestur og lestrartengda vinnu. Óhætt er að segja að þetta tókst vel til og frábærlega gaman að fylgjast með nemendum okkar og starfsfólki keppast við lestur og lestrartengdar áskoranir.

Læsismánuður

Thu, 05 Mar 2026 16:18:00 +0000

Barnaborg fékk veglega gjöf frá Kvenfélagi Aðaldæla

Wed, 11 Feb 2026 11:13:00 +0000

Í Gulustofu í Barnaborg eru komin upp húsgögn sem efla grófhreyfiþroska barna. Brautin þótti strax mjög spennandi. Ætlunin er að þessi húsgögn verði hluti af námsumhverfinu í stofunni á hverjum degi og hvetji börnin til fjölbreyttrar hreyfingar. Við...

100 daga hátíð á yngsta stigi

Fri, 06 Feb 2026 09:14:00 +0000

Miðvikudaginn 28. janúar var haldin 100 daga hátíð á yngsta stigi. Á þeirri hátíð fögnuðum við því að nemendur 1. bekkjar voru búnir að vera í grunnskóla í 100 daga. Nemendur leystu ýmsikonar áskoranir sem tengdust tölunni 100 og enduðu daginn svo á því að fá popp og djús og horfa á mynd. Dagurinn lukkaðist mjög vel og ekki annað að sjá en að börnin skemmtu sér vel. Látum myndirnar tala sínu máli.

Við kynnum með stolti Læsisstefnu Leikskóladeilda Þingeyjarskóla

Fri, 30 Jan 2026 10:05:00 +0000

Læsisstefna Leikskóladeilda Þingeyjarskóla er komin á heimasíðuna. Við erum afskaplega stolt af henni og teljum að bæði vinnan við gerð hennar og stefnan sjálf muni styrkja mjög starfið og foreldra í uppeldishlutverki sínu. Stefnan var að mestu unni...

Vorgleði Þingeyjarskóla frestað til fimmtudagsins 26. mars 2026

Fri, 16 Jan 2026 16:38:00 +0000

Dans, dans og aftur dans

Fri, 16 Jan 2026 16:20:00 +0000

Í fyrstu kennsluviku janúarmánaðar kom Jón Pétur Úlfljótsson danskennari til okkar 28 árið í röð til að kenna nemendum Þingeyjarskóla hina ýmsu dansa. Venjan er sú að hann dvelur hjá okkur viku í senn og endar veru sína á því að stjórna danssýningu nemenda skólans. Óhætt er að segja að það er alltaf gleðiefni að fá Jón Pétur til okkar. Hann nær afar vel til allra og ánægjulegt að sjá til nemenda hjá honum í dansinum. Jón Pétur er að hefja sitt 40 starfsár sem danskennari og gaman að hann skuli byrja árið hjá okkur.

Gleðilegt nýtt ár

Fri, 02 Jan 2026 08:23:00 +0000

Þingeyjarskóli óskar nemendum sínum, foreldrum þeirra og starfsfólki skólans gleðilegs nýs árs og með þökkum fyrir það liðna.

Merki Þingeyjarskóla komið uppá bíslag Barnaborgar.

Wed, 03 Dec 2025 15:12:00 +0000

Það er ánægjulegt að segja frá því að merki Þingeyjarskóla er komið upp og prýðir leikskólainngang Barnaborgar. Eins og sagt var frá á skólaslitum Þingeyjarskóla síðast liðið vor var ákveðið að nota hluta af listaverki eftir nemanda skólans í merki skólans. Listamaðurinn Gerður Fold Arnardóttir var nemandi skólans og er foreldrum hennar þakkað fyrir að mega nota listaverkið í þessum tilgangi. Kristrún Ýr Óskarsdóttir sjónlistakennari vann merkið út frá listaverkinu. Merkið er fallegur minnisvarði um Gerði Fold sem lést 1. nóv. 2023. Merkið minnir okkur á að sér hver nemandi skólans, sérhvert barn skiptir miklu máli og hversu mikilvægt það er að hæfileikar hvers nemanda fái notið sín í skólanum. Með sínum náttúrulegu formum og litum minnir merkið okkur einnig á náttúruna og hversu dýrmæt tengslin við hana eru fyrir skólastarf Þingeyjarskóla. Það var löngu tímabært að koma upp merki Þingeyjarskóla ásamt einkennisorðum skólans sem eru: Ábyrgð, virðing og gleði.

Verk eftir nemendur Þingeyjarskóla á Listasafninu á Akureyri.

Wed, 03 Dec 2025 14:14:00 +0000

Þann 23. september barst Þingeyjarskóla fyrirspurn frá Sigurlínu Tryggvadóttur, verkefnastjóra Huldu náttúruhugvísindaseturs, um mögulegt samstarf við umhverfisverkefni sem Rannsóknasetur Háskóla Íslands í Þingeyjarsveit stendur fyrir. Verkefnið tengist dvöl listamannsins Hrafnkels Sigurðssonar í Mývatnssveit dagana 14.–20. nóvember, þar sem hann vann að listaverki sem er hluti af sýningunni Creative Responses í Listasafni Akureyrar. Hrafnkell dvaldi í listamanna¬bústað á Skútustöðum og vann þar að skúlptúr úr efni sem hann safnaði úr nærumhverfinu. Í tengslum við dvölina óskaði hann eftir að tengjast samfélaginu og varð samstarf við Þingeyjarskóla til í kjölfarið.

Haustgleði Þingeyjarskóla 20.11.2025

Fri, 21 Nov 2025 13:36:00 +0000

Haustgleði Þingeyjarskóla heppnaðist afar vel. Fjölmennt var á Haustgleði skólans þar sem nemendur settu upp leikritið Kardemommubærinn eftir Thorbjörn Egner. Nemendur stóðu sig afar vel og gaman að sjá hversu öflugan hóp við höfum á að skipa þegar kemur að slíkum viðburðum sem þessar stóru hátíðir okkar eru. Miklu er til tjaldað á þessum hátíðum okkar og ófáir sem leggja til hönd við uppsetninguna. Er öllum þessum ágætu aðilum þakkað fyrir þeirra framlag. Jafnframt leiksýningunni var sýning á listaverkum nemenda í tengslum við málverk í eigu skólans eftir listamanninn Hring Jóhannesson. Hér á síðunni getur að líta nokkrar myndir úr leiksýningunni og listaverkasýningunni.