Haustfundur Þingeyjarskóla

Haustfundur Þingeyjarskóla

Miðvikudaginn 24. september 2025

Kl. 16:30 í borðsal Þingeyjarskóla.

Kæru foreldrar og forráðamenn,

Við bjóðum ykkur hjartanlega velkomin á haustfund Þingeyjarskóla þar sem farið verður yfir mikilvæg málefni skólastarfsins og gefst tækifæri til að hitta starfsfólk og aðra foreldra, spyrja spurninga og eiga gott samtal um skólasamfélagið okkar.

Dagskrá:

• Kl. 16:30 - Sameiginlegur fundur allra í borðsal.

• Kl. 16.45 - Fundur með starfsfólki hvers stigs fyrir sig í heimastofum.

• Kl. 17.15 - Sameiginlegt kaffi, spjall og rólegheit.

Sameiginleg málefni:

• Foreldrasáttmáli – réttindi og skyldur

• Foreldrafélagið og hlutverk foreldra

• Mentor: skráning forfalla, leyfisveitingar, heimildir og samskipti

• Samfélag barna: „velja í og úr í afmæli“ – hvernig við byggjum upp jákvætt skólasamfélag

Áhersla verður lögð á að kynna starfsfólk, miðla upplýsingum og skapa vettvang þar sem foreldrar geta átt samtal sín á milli og við starfsfólk skólans.

Kaffi og meðlæti verður í boði í mötuneytinu og hvetjum við foreldra til að setjast þar niður og nýta tækifærið til að kynnast betur.

Markmið fundarins er að efla samvinnu, traust og tengsl milli heimila og skóla – í þágu farsældar og velferðar barna.

Við hlökkum til að sjá sem flesta!

Kær kveðja,
Starfsfólk Þingeyjarskóla