Fréttir

Undanfarnar vikur hafa nemendur á yngsta stigi fræðst um humlur og lifnaðarhætti þeirra. Bókin “Milli himins og jarðar - humlur” var aðal lesefnið og unnu nemendur margvísleg verkefni í tengslum við efnið. Auk þeirra sýnishorn sem eru hér í fréttinni unnu nemendur myndbandsverkefni sem kallast “Lífsferill humlur - frá eggi að flugu” og kom virkilega skemmtilega út. Það hefur verið gaman að fylgjast með nemendum í þessari vinnu og sjá hversu áhugasamir og fróðleiksfúsir þeir hafa verið. Verkefnin eru til sýnis á ganginum fyrir framan stofur yngsta stigs og hvetjum við ykkur til að stoppa við og fræðast um humlur ef þið eigið leið um skólann. (Smellið á fyrirsögnina til að sjá myndir af verkefnum nemenda)