Fréttir

Alþjóðlegur dagur læsis er í dag, 8. september. Af því tilefni var STÁSS stund í Þingeyjarskóla. Tónlistardeildin hóf daginn með nemendum og saman sungu þau nokkur íslensk lög. Að því loknu tóku nemendur og starfsfólk þátt í yndislestri þar sem allir settust niður, lásu í hljóði og nutu stundarinnar. Einnig gátu nemendur hlýtt á upplestur í einni stofunni. Læsi birtist með fjölbreyttum hætti í daglegu lífi okkar og nær meðal annars til lesturs, hlustunar, tals og ritunar. Við hvetjum nemendur og fjölskyldur þeirra til að gefa sér tíma til að lesa, ræða saman, hlusta og njóta tungumálsins. Slíkar stundir efla orðaforða, skilning og tjáningu og geta um leið veitt bæði gleði og ánægju.