Fréttir

Haustfundur Þingeyjarskóla Miðvikudaginn 24. september 2025 Kl. 16:30 í borðsal Þingeyjarskóla. Kæru foreldrar og forráðamenn, Við bjóðum ykkur hjartanlega velkomin á haustfund Þingeyjarskóla þar sem farið verður yfir mikilvæg málefni skólastarfsins og gefst tækifæri til að hitta starfsfólk og aðra foreldra, spyrja spurninga og eiga gott samtal um skólasamfélagið okkar. .......

Miðvikudaginn 17.09.2025 fengum við góða heimsókn í Þingeyjarskóla. Jóna Kristín Gunnarsdóttir verkefnastjóri fræðslumála hjá ADHD samtökunum kom til okkar og hélt fræðsluerindi fyrir nemendur, starfsfólk og foreldra. Þetta voru aldeilis góðir fyrirlestrar sem Jóna var með og nemendur, starfsfólk og foreldrar meira meðvitaðri um ADHD. Jóna Kristín var með fjóra fyrirlestra; fyrir miðstigið, unglingastigið, starfsfólk og að lokum fyrir foreldra. Jónu er þökkuð koman.

Þingskóladagurinn eða hringekjudagurinn. Í dag komu saman nemendur og starfsfólk allra skólanna í Þingeyjarsveit. Yngsta stigið okkar eða 1. – 4. bekkur kom saman í Þingeyjarskóla, miðstigið eða 5. – 7. bekkur kom saman í Reykjahlíðarskóla og unglingastigið hittist í Stórutjarnaskóla. Ýmsar stöðvar voru settar upp og margt brallað. Nemendur skemmtu sér vel og tókst dagurinn vel og almenn ánægja í hópnum.

Því miður hefur dregist mjög að ljúka framkvæmdum við snyrtingar og fatahengi nemenda sem og búningsaðstöðu í Ýdölum. Þetta er bagalegt en nemendur og starfsfólk hafa til þessa tekið þessu með jafnaðargeði þó þetta sé óneitanlega óheppilegt, komið þetta langt inn í starfsár nemenda.

Ákveðið hefur verið að flýta Haustgleði Þingeyjarskóla frá 27.11 til fimmtudagsins 20.11. Ástæða þess er tvíþætt. Annars vegar það á sama tíma skv. skóladagatali er árshátíð Reykjahlíðarskóla þ.e. 27.11 og hins vegar það að komið er ansi nærri jólum og þema þeirra á þessum tíma.

Alþjóðlegur dagur læsis er haldinn hátíðlegur 8. september ár hvert, en Sameinuðu þjóðirnar helguðu þennan dag læsis¬málefnum árið 1965. Á þessum degi er minnt á mikilvægi læsis sem undirstöðu menntunar, jöfnuðar og samfélagslegrar þátttöku.

Skólaárið fer vel af stað í Þingeyjarskóla. Nemendur á miðstigi hafa verið að vinna margvísleg verkefni tengd skóginum. Á þriðjudag var farið í ferð í Kjarnaskóg þar sem veðrið lék við okkur. Nemendur fóru í ratleikjar-bingó um skóginn og skemmtu sér vel. Það er ekki hægt að segja annað en að nemendur séu áhugasamir og tilbúnir í nýtt skólaár.

Skólaárið fer vel af stað í Þingeyjarskóla. Nemendur á miðstigi hafa verið að vinna margvísleg verkefni tengd skóginum. Á þriðjudag var farið í ferð í Kjarnaskóg þar sem veðrið lék við okkur. Nemendur fóru í ratleikjar-bingó um skóginn og skemmtu sér vel. Það er ekki hægt að segja annað en að nemendur séu áhugasamir og tilbúnir í nýtt skólaár.

Í skólabyrjun að hausti hefur myndast sú hefð að vera með þematengda viku sem rúllar ár frá ári mismunandi þema. Núna tókum við fyrir þemað Líf á landi. Nemendur yngsta stigsins heimsóttu Vaglaskóg, nemendur miðstigs Kjarnaskóg og unglingadeildin okkar fór í þjóðgarðinn í Jökulsárgljúfrum. Út frá þessum þemum verða til ýmis verkefni og listaverk. Yngsta stigs teymið útbjó listaverk sem þau kalla Ævintýraskógurinn.

Um nokkurt skeið hefur verið unnið að því að breyta og bæta snyrtiaðstöðu nemenda sem og fatahengi.